Сейілда Байшақов жүлдесіне арналған Республикалық турнир аяқталды
Қазақстан футбол федерациясының вице-президенті, ҚР еңбек сіңірген спорт жаттықтырушысы, КСРО спорт шебері Сейілда Байшақовтың жүлдесі жолындағы жарыс жыл сайын дәстүрлі түрде өткізіліп келеді. Биылғы турнирге еліміздің әр өңірінен келген 11 команда қатысты. Олар 2005-2006 жылы туылған жастар.
Бір аптаға созылған жарыстың негізгі мақсаты - жастарға футбол саласының белгілі тұлғаларын паш ету, Жамбыл жерінде жасөспірімдер арасындағы футбол спортын дамыту болып табылады.
Турнирдің қорытындысы бойынша 2005 жылы туылған балалар арасында Бірінші орынды Қызылорда қаласының футбол мектебі алса, 2006 жылы туылған балалар арасында Бірінші орынды "Тараз" командасы жеңіп алды.
Жарыстың марапаттау рәсімінде сөз алған Сейілда Икрамұлы жас жеткіншектерге сәттілік тілеп, олардың үлкен футболшы болатындықтарына сенім білдіріп, жеңімпаздарды марапаттады.
"Тараз" ФК
| № | Команда | И | М | О |
|---|---|---|---|---|
| 1 | Қайрат | 6 | 15-3 | 14 |
| 2 | Астана | 5 | 9-3 | 11 |
| 3 | Тобыл | 5 | 6-1 | 11 |
| 4 | Ақтөбе | 5 | 10-4 | 10 |
| 5 | Елімай | 5 | 8-3 | 10 |
| 6 | Тұран | 5 | 8-7 | 7 |
| 7 | Оқжетпес | 5 | 5-6 | 7 |
| 8 | Қызылжар | 5 | 5-7 | 5 |
| 9 | Ордабасы | 5 | 2-6 | 5 |
| 10 | Жеңіс | 5 | 1-2 | 4 |
| 11 | Жетісу | 5 | 1-5 | 3 |
| 12 | Қайсар | 5 | 3-8 | 3 |
| 13 | Атырау | 6 | 5-17 | 3 |
| 14 | Ұлытау | 5 | 1-7 | 2 |
